| 現在我在韓國，剛剛完了concert，好感動呀，每次出這類表演的都會有這種感覺，感謝神! 我星期一晚先返，你地masterclass要努力呀! 返來再同大家分享!! |
| |
| 今日又出海了，五點幾起身入西貢，我地約了八點鐘一齊食早餐，食完後就好似上次咁八點九上船，但今次去的地方係白臘！由西貢碼頭去白臘要一個鐘船程，這個鐘做左好多野，聽brief、裝儀器、換衫！第一個dive在十點幾就落水了，水的能見度比上星期去的橋咀高好多，但水溫就好涷，睇一睇溫度計，嘩......落水前的溫度係30度，落到水底得返25度，仲要在水裏失溫係比水面快三倍！原地踏水，可以令自己的體溫沒有咁容易失去，今日係最後一堂open water dive，所以仲有一些練習要做，中性浮力、全清鏡，又有清鏡了，係要在海底除低臉鏡然後再戴返，今次進步了！好......做完練習後就可以週圍游，今日見多好多魚......寄居蟹、海參、海膽、魔鬼魚、小丑魚、八爪魚、仲有好多我唔知叫咩名的珊瑚魚......好美麗的海洋世界！我曾經睇過一本書，有一個潛水員說過：每一次下水都找不到上水的原因......我想我都身會到了，海洋世界比起陸地真係美麗多了，一個非常寧靜的地方！ 下午就做第二個dive，所有的練習都在上星期同今早做完，所以今次落水係自由活動，好......我就同我的buddy週圍游，我見到一條橙色的小丑魚在我身邊，佢跟住我游左好耐，好可愛呀！我越來越鍾意這個神秘而奇妙的世界！神你真係好偉大，你創造了這個令類的世界！感謝你比我親身去接觸這個世界！ 仲有呀，我已經取得PADI Open Water証書，可以有牌自己去潛水了！！ |
| |
| 19/8 (星期日) 今日早上八點鐘約左班朋友在西貢食早餐，因為今日係第一次出海潛水，在泳池練習左咁耐今日終於出海了！我地今日去橋咀島潛水，落水前教練同我地做 briefing，check儀器，到十一點所有野都準備好了，可以落水！雖然今日有陽光，但落到水都有小小凍，不過緊張的心情已經蓋過了所有事情！一、二、三......大家就一齊放氣慢慢潛到海底，一路向下潛都只係看到綠色的海水，到了海底都只是沙地，沒有其他東西。因為今日都要做兩個練習，所以教練就選擇這個地方，又有清鏡的練習......這是我最怕的練習，因為每次都會飲水，雖然在海底，但我都一樣有飲到水，好彩只是飲了一口，不過都已經足夠，因為海水比起泳池水難頂好多！做完後教練就同我地游去一些有珊瑚的地方，我第一隻見到的海洋生物係海參，有大有細，我見到最大的有超過十五吋長！之後見到的有水母、海星、蟹、蝦、海膽、好多不同的珊瑚、五顏六色的珊瑚魚......但有些唔開心的係我見到有汽水鑵，在一個美麗的海底點解會有垃圾！五十分鐘後就上水完成第一次的下潛，教練就同我地講解剛才的練習，仲同我地講頭先見到的海參、海膽係唔食得的，就係因為有毒所以仲有咁多在海底，可以食的已經好難找到了！都有些可惜，因為人類的自私就令到好多生物越來越少！ 午飯過後就係第二次下潛，換過氣樽後就落水了，但今次我地坐快艇去遠小小的地方，這裏比剛才多海洋生物，因為今次我地落到十尺深的地方，因為能見度比早上低，所以睇到的野沒有剛才咁清楚！但我好享受在海底裏每一秒的時間，因為在海底只係可以聽到自己的呼吸聲，係一個好寧靜的地方！ 今個暑假仲有十日就完了，不過好似沒有好好練琴，但我實現了學潛水的夢想！唔知點解突然覺得自己大過左，可能知多左，見識多左，開闊了自己的眼光同令一個領域！仲有好多好多的事情想同大家分享，但文字好難表達，有機會同大家慢慢分享！ |
| |
| 17/8 (星期五) 今日係第一堂的海洋生態旅遊，7:00-10:00p.m.又係三個鐘的課堂，這個課程所講的係有關海洋的生態，對一個從未行過山，好少去大自然(雖然好鍾意)的我來說真係好新奇！ 觀鯨及觀豚、海洋哺乳動物觀察、海洋魚類觀察、水肺的潛水及浮潛、海岸生物觀察、海岸地形及地貌觀察、獨木舟導賞......這些都係海洋生態裏要學的東西！ 因為今堂係第一堂，所以只係講左一些簡介，唔係太多野學到，但星期二晚就係第二堂了！
19/8 (星期六) 今日係第二堂的潛水堂，最後一次的泳池練習，之後就可以出海實地練習了！今日的精神唔係咁好，因為作日上完堂返到屋企都差唔多十一點，但仲要做之前理論課的功課，做完後都已經一點了！今日係上3:00-10:00p.m.，連續七小時的練習，雖然開心但身體疲倦的感覺唔會因為開心而減少！今日要做的練習好多，模擬在水底無氣的練習、浮力、清鏡游行、無氣時與同伴共要同一個氣樽、緊急上升......大部份都無問題，但清鏡對我來說係最難！清鏡游行係要在水底把面鏡除下，游一圈後在水底下戴，但如果這樣全個面鏡都會內水，要把水全部抽出就係要用鼻呼氣，但唔知點解我次次都要做幾次先得，做多幾次都唔係問題，但我每次都會飲水，仲要係用鼻吸入！這種感覺真係勁辛苦！七個小時的練習分兩個section，中間有一個鐘休息，不過可能平時我好少做運動，所以好疲倦！ 明天係出海了！ |
| |
